విష రసాయనాలతో పండ్లను మగ్గిస్తున్న ముఠా అరెస్ట్​

మారేడుపల్లి, రామ్​గోపాల్​ పేట ఠాణాల పరిధిలో విష రసాయనాలు ఉపయోగించి పండ్లను మగ్గిస్తున్న గోదాములపై నార్త్​జోన్​ టాస్క్​ఫోర్స్​ పోలీసులు దాడులు చేశారు. నలుగురు వ్యక్తులను అదుపులోకి తీసుకుని.. ఏడు లక్షల రూపాయల విలువైన రసాయన పదార్థాలతో పాటు పండ్లను స్వాధీనం చేసుకున్నారు.

హైదరాబాద్​లోని మారేడుపల్లి, రామ్​గోపాల్​ పేట పరిధిలో పండ్లను నిల్వచేస్తున్న గోదాములపై నార్త్​జోన్​ టాస్క్​ఫోర్స్​ పోలీసులు దాడులు చేశారు. విషరసాయనాలు ఉపయోగించి పండ్లను మగ్గిస్తున్నారన్న సమాచారంతో వ్యవసాయ అధికారులతో కలిసి సోదాలు చేశారు. మామిడి, బొబ్బాయి పండ్లను కృత్రిమంగా మగ్గించడానికి చైనా నుంచి దిగుమతి చేసుకున్న ఇథలిన్​ కెమికల్​ పౌడర్​ను ఉపయోగిస్తున్నట్లు గుర్తించారు. దాడుల్లో నలుగురిని అదుపులోకి తీసుకుని వారి నుంచి ఏడు లక్షల విలువైన రసాయన పదార్థం, మగ్గించిన పండ్లను స్వాధీనం చేసుకున్నారు.

హైదరాబాద్​కు చెందిన దాసరి వెంకటేశ్​, ఇంత్యజ్​ అలీ, ఇసాక్​, అమిత్​ అగర్వాల్​ ముఠాగా ఏర్పడి ఈ చర్యలకు పాల్పడుతున్నట్లు గుర్తించారు. వారిలో వెంకటేశ్​, ఇంతియాజ్​ అలీ... మారేడుపల్లిలో పండ్ల వ్యాపారం చేస్తుండగా... అమిత్​ అగర్వాల్​ ఈ రసాయనాలను కొనుగోలు చేసి ఏజెంట్ల ద్వారా ఇతర ప్రాంతాలకు తరలిస్తున్నట్లు పోలీసులు తెలిపారు. ఇథనల్ వాడకాన్ని ప్రభుత్వం నిషేధించినప్పటికీ... అక్రమంగా తీసుకొచ్చి పండ్లను త్వరగా మగ్గేందుకు ఉపయోగిస్తున్నారని పోలీసులు తెలిపారు.

ఇదీ చూడండి :మృతదేహాలను పరిశీలించిన మంత్రి ఎర్రబెల్లి