పోలీస్​ స్టేషన్​ ముందు స్విగ్గీ డెలివరీ బాయ్స్​ ఆందోళన

మాదాపూర్ పోలీస్​ స్టేషన్ ఎదుట స్విగ్గీ డెలివరీ బాయ్స్ ఆందోళన చేపట్టారు. స్విగ్గీ కంపెనీ యాజమాన్యం కమీషన్ తక్కువగా ఇస్తోందన్నారు. తమకు న్యాయం చేయాలని డిమాండ్ చేశారు.

యాజమాన్యం తమకు కమీషన్​ తక్కువగా ఇస్తోందని హైదరాబాద్​ మాదాపూర్ పోలీస్​ స్టేషన్ ఎదుట స్విగ్గీ డెలివరీ బాయ్స్ ఆందోళన చేపట్టారు. తమకు న్యాయం చేయాలని డిమాండ్ చేశారు. గతంలో 2 కిలోమీటర్ల పరిధిలోపు ఒక డెలివరీ ఐటెమ్​కు 35 రూపాయల కమిషన్ ఇస్తున్న స్విగ్గీ.. ఇప్పుడు ఒక కిలోమీటర్ పరిధిలోపు డెలివరీ చేస్తే కేవలం 6 రూపాయలు మాత్రమే ఇస్తోందని ఆరోపించారు.

యాజమాన్యం థర్టీ పార్టీకి ఎక్కువ కమీషన్ ఇస్తూ... తమకు మాత్రం తక్కువ కమీషన్ ఇస్తోందన్నారు. స్విగ్గీ కంపెనీపై మాదాపూర్ పోలీసు స్టేషన్​లో ఫిర్యాదు చేశారు. స్టేషన్​కు వచ్చిన స్విగ్గీ ప్రతినిధులు రెండు రోజుల్లో సమస్యను పరిష్కరిస్తామని హమీ ఇచ్చారు.

ఇదీ చదవండి:రేపటితో శాసనసభ సమావేశాలు వాయిదా!