రాజ్యాంగ విచ్ఛిన్నం అంశం: హైకోర్టు ఆదేశాలపై సుప్రీం స్టే

ఏపీలో రాజ్యాంగ విచ్ఛిన్నం అంశంపై ఆ రాష్ట్ర హైకోర్టు ఇచ్చిన ఆదేశాలపై సుప్రీంకోర్టు స్టే ఇచ్చింది. శీతాకాల సెలవుల అనంతరం తదుపరి విచారణ చేపడుతామని స్పష్టం చేసింది.

ఆంధ్రప్రదేశ్​లో రాజ్యాంగ విచ్ఛిన్నం అంశంపై ఆ రాష్ట్ర హైకోర్టు ఇచ్చిన ఆదేశాలపై సుప్రీంకోర్టు స్టే ఇచ్చింది. పోలీసులు చట్ట ఉల్లంఘనలపై దాఖలైన హెబియస్‌ కార్పస్‌ పిటిషన్లను విచారించిన హైకోర్టు... రాజ్యాంగ విచ్ఛిన్నం జరిగిందా? లేదా? అనే విషయాన్ని నిర్ణయిస్తామంటూ ఈ ఏడాది అక్టోబర్‌ 1న ఉత్తర్వులు ఇచ్చింది. కోర్టు ఆదేశాలను సవాల్ చేస్తూ సర్వోన్నత న్యాయస్థానంలో ఏపీ ప్రభుత్వం ఇటీవల పిటిషన్ దాఖలు చేసింది.

ఏపీ సర్కార్ పిటిషన్​పై సుప్రీంకోర్టు ప్రధాన న్యాయమూర్తి జస్టిస్ ఎస్ఏ బోబ్డే ధర్మాసనం శుక్రవారం విచారణ జరిపింది. హైకోర్టు ఇచ్చిన ఆదేశాలపై స్టే ఇవ్వాలన్న ఏపీ ప్రభుత్వ వినతికి ధర్మాసనం సమ్మతించింది. శీతాకాల సెలవుల అనంతరం తదుపరి విచారణ చేపడుతామని స్పష్టం చేసింది.

ఇదీ చదవండి:'దర్యాప్తు పూర్తి కాకుండా.. ఎలా జోక్యం చేసుకోవాలి'