విషాదం: తండ్రి ఆగ్రహం.. కొడుకు బలవన్మరణం

తండ్రి మందలించాడని కొడుకు ఆత్మహత్య చేసుకున్నాడు. హైదరాబాద్​ గచ్చిబౌలీ పరిధిలోని జనార్ధన్​ హిల్స్​లోని ఈ ఘటనలో చోటుచేసుకుంది.

హైదరాబాద్​ గచ్చిబౌలీ పరిధిలోని జనార్దన్​ హిల్స్​లోని ఓ వసతి గృహంలోని ఉంటున్న ఆంధ్ర ప్రదేశ్​ అనంతపురం జిల్లా రాయదుర్గంకు చెందిన చరణ్​రాజ్​... నిన్న రాత్రి బిల్డింగ్​ ఐదో అంతస్తు నుంచి దూకి ఆత్మహత్యకు పాల్పడ్డాడు. జేఎన్​టీయూలో బీటెక్​ చదువు పూర్తి చేసిన చరణ్​ మాదాపూర్​లోని ఓ ఇనిస్టిట్యూట్​లో పోటీ పరీక్షల నిమిత్తం శిక్షణ తీసుకుంటున్నాడు.

అయితే ​ ఇటీవలే నిర్వహించిన పోటీ పరీక్షలకు అతడు గైర్హాజరయ్యాడని తండ్రి మందలించాడు. దీనితో మనస్తాపం చెంది.. ఆత్మహత్యాయత్నం చేశాడు. తీవ్ర గాయాలపాలైన చరణ్​ను హాస్టల్​ నిర్వాహకులు ఆస్పత్రికి తరలించే మార్గమధ్యలో మృతి చెందాడు.

ఇదీ చూడండి: కాచిగూడ రైలు ప్రమాదం... లోకో పైలట్‌ మృతి