మూసీ డెవలప్​మెంట్ కార్పొరేషన్ ఛైర్మన్​గా సుధీర్​ రెడ్డి బాధ్యతలు

హైదరాబాద్ తార్నకలోని హెచ్ఎండీఏ కార్యాలయంలో ఎమ్మెల్యే సుధీర్ రెడ్డి మూసీ రివర్ ఫ్రంట్ డెవలప్​మెంట్ కార్పొరేషన్ ఛైర్మన్​గా బాధ్యతలు స్వీకరించారు.

మూసీ రివర్ ఫ్రంట్ డెవలప్​మెంట్ కార్పొరేషన్ ఛైర్మన్​గా తార్నక హెచ్ఎండీఏ కార్యాలయంలో ఎమ్మెల్యే సుధీర్ రెడ్డి బాధ్యతలు స్వీకరించారు. కార్యక్రమంలో విద్యాశాఖ మంత్రి సబితా ఇంద్రారెడ్డి, ఎంబీసీ ఛైర్మెన్ తాడూరి శ్రీనివాస్​తో పాటు పలువురు తెరాస నేతలు పాల్గొన్నారు.

దుర్గంద భరితంగా ఉన్న మూసీని సుందరంగా తీర్చిద్దిద్దడమే ముఖ్యమంత్రి కేసీఆర్ లక్ష్యమని సుధీర్​ రెడ్డి వెల్లడించారు. సీఎం ఆశయ సాధన కోసం నది ప్రక్షాళన చేపట్టి, ప్రతి ఒక్కరూ మూసీ ఒడ్డున సేద తీరేవిధంగా తీర్చిదిద్దుతామని తెలిపారు. భవిష్యత్తులో ​పర్యాటక ప్రదేశంగాా మారుస్తామని హామీ ఇచ్చారు. ఈ సందర్భంగా పలువురు నేతలు ఆయనకు శుభాకాంక్షలు తెలిపారు.

ఇవీ చూడండి:ముక్తేశ్వర స్వామికి సీఎం కేసీఆర్‌ ప్రత్యేక పూజలు