హైదరాబాద్​లో కర్ణాటక వాసి ఆత్మహత్య

హైదరాబాద్​లో కర్ణాటకకు చెందిన కొల్లు విశ్వనాథ అనే వ్యక్తి ఆత్మహత్య చేసుకున్నాడు. ఎర్రగడ్డ పరిధిలో నివాసముంటు పెయింటర్​గా జీవనం సాగిస్తున్నాడు. ఆర్థిక కారణలతోనే బలవన్మరణానికి పాల్పడినట్లు పోలీసులు అనుమానం వ్యక్తం చేస్తున్నారు.

హైదరాబాద్​లో కర్ణాటక వాసి ఆత్మహత్య చేసుకున్నాడు. ఎర్రగడ్డలోని సంజయ్​నగర్​లో నివాసముంటున్న కొల్లు విశ్వనాథ తన ఇంట్లో ఫ్యాన్​కు ఉరివేసుకుని బలవన్మరణం చెందాడు. పెయింటర్​గా జీవనం సాగిస్తున్న విశ్వనాథ భార్య రాజేశ్వరి స్థానిక ప్రైవేట్​ హాస్పిటల్​లో ఆయాగా పనిచేస్తుంది. కర్ణాటకలోని రాయచూరు జిల్లా స్వస్థలం కాగా.. వీరికి ఐదేళ్ల కూతురు ఉంది.

మృతదేహాన్ని స్థానిక గాంధీ ఆస్పత్రికి తరలించారు. కేసు నమోదు చేసుకుని పోలీసులు దర్యాప్తు చేపట్టారు. కుటుంబ ఆర్థిక కారణాలతోనే ఆత్మహత్య చేసుకున్నట్లు పోలీసులు అనుమానం వ్యక్తం చేస్తున్నారు.