స్టూడెంట్​​ లీడ్​ కాన్ఫరెన్స్​లో 'కరోనా' ప్రదర్శన

ప్రజలను భయపెడుతున్న కరోనా వైరస్​పై పిల్లలు అవగాహన ప్రదర్శన చేశారు. ఇది ఎక్కడో కాదండీ... పాఠశాలలో నిర్వహించిన స్టూడెంట్​ లీడ్​ కాన్ఫరెన్స్​ కార్యక్రమంలో ఇచ్చిన ప్రదర్శన అందరినీ ఆలోచింపజేసింది.

హైదరాబాద్ చంపాపేటలోని శ్రీ త్రివేణి పాఠశాలలో 'స్టూడెంట్ లీడ్ కాన్ఫరెన్స్' ఘనంగా నిర్వహించారు. కార్యక్రమంలో విద్యార్థులు పలు ప్రయోగాలను ప్రదర్శించారు. పలు సందేశాత్మక చార్టులు, పవర్​పాయింట్​ ప్రజెంటేషన్లు ప్రదర్శించారు. పలు ఆలోచనాత్మక ప్రయోగాలు, నమూనాలు ఆకట్టుకున్నాయి.

కరోనా వైరస్​పై అవగాహన కలిగించేలా చిన్నారులు ప్రదర్శనలు ఆకట్టుకున్నాయి. ఇంట్లోని తల్లిదండ్రులకు కూడా అవగాహన కల్పించాలని తెలిపేలా సందేశమిచ్చారు. వైరస్ సోకకుండా చేపట్టాల్సిన జాగ్రత్తలు వివరించి శబాష్​ అనిపించారు. సుమారు 500 మంది విద్యార్థులు ఈ కార్యక్రమంలో పాల్గొన్నారని ఉపాధ్యాయులు తెలిపారు. ప్రజలంతా భయపడుతున్న కరోనా వైరస్​పై అవగాహన కల్పించేందుకు వివిధ కార్యక్రమాలు చేపడుతున్నామన్నారు. భయపడాల్సిన అవసరం లేదని... కొన్ని జాగ్రత్తలు తీసుకుని వైరస్​ను అరికట్టవచ్చని ఉపాధ్యాయులు వివరించారు.

చూడండి:అసెంబ్లీలో నమస్కారం 'కరో'నా అంటున్న నేతలు