attack on MIM chief Asaduddin Owaisi house: దేశ రాజధాని దిల్లీలో ఎంఐఎం అధినేత అసదుద్దీన్ ఒవైసీ ఇంటి నివాసంపై దుండగులు రాళ్ల దాడికి పాల్పడ్డారు. ఈ ఘటనలో ఒవైసీ ఇంటి అద్దాలు ధ్వంసమయ్యాయి. ఇంటి నివాసం ముందు రాళ్లు రప్పలు పడి ఉన్నాయి. ఈ ఘటనపై అసదుద్దీన్ ఒవైసీ.. దిల్లీలోని పార్లమెంట్ స్ట్రీట్ పోలీసులకు ఫిర్యాదు చేశారు. ఘటనా స్థలనికి చేరుకున్న దిల్లీ పోలీసులు.. అక్కడి ప్రదేశాల్ని పరిశీలించారు. దాడి ఘటనపై అడిషనల్ డీసీపీ విచారణ చేపట్టారు. అక్కడి ప్రదేశాల్ని పరిశీలించి ఆనవాళ్లు సేకరించారు. ఎవరు చేశారో త్వరలో కనిపెడతామని ఒవైసీకి పోలీసులు తెలిపారు.
ఈ ఘటనపై ఒవైసీ కూడా తన ట్విటర్ ఖాతా వేదికగా స్పందించారు. తన నివాసంపై ఇలా దాడి జరగడం మొదటి సారి కాదని పేర్కొన్నారు. 2014 నుంచి ఇలా నాలుగు సార్లు గుర్తు తెలియని దుండగులు దాడి చేశారని ఆరోపించారు. రాజస్థాన్‌లోని జయపుర పర్యటనలో ఉన్న తాను ముగించుకుని వచ్చే సరికి కొంతమంది ఆగంతకులు ఈ దాడికి పాల్పడ్డారని ఆయన ఆవేదన చెందారు.