వరంగల్​ పోలీసులను అభినందించిన హోంమంత్రి

వరంగల్​లో జరిగిన హత్య కేసును ఛేదించిన పోలీసులను హోం మంత్రి మహమూద్​ అలీ అభినందించారు. సంచలనం  సృష్టించిన హత్య కేసుకు సంబంధించిన నిందితుడిని మూడు రోజుల్లోనే పట్టుకోవడం పట్ల హోంమంత్రి హర్షం వ్యక్తం చేశారు.

వరంగల్​లో జరిగిన తొమ్మిది మంది హత్య కేసును కేవలం మూడు రోజుల్లోనే ఛేదించిన పోలీసులను రాష్ట్ర హోం మంత్రి మహమూద్​ అలీ అభినందించారు. రాష్ట్రంలోనే సంచలనం సృష్టించిన ఈ కేసును మూడు రోజుల్లోనే ఛేదించి.. నిందితుడిని పట్టుకున్న వరంగల్​ కమిషనర్​ రవీందర్​ను హోం మంత్రి ప్రత్యేకంగా అభినందించారు.

పకడ్బందీగా దర్యాప్తు చేసి.. కేసు ఛేదించాలని రెండు రోజుల క్రితం కమిషనర్​ రవీందర్​కు హోంమంత్రి సూచించారు. మిస్టరీని ఛేదించేందుకు కష్టపడిన పోలీసులను పేరుపేరున ప్రశంసించినట్టు హోంమంత్రి తెలిపారు.

ఇవీ చూడండి:విదేశాల నుంచి తెలంగాణకు వచ్చేవారికి నూతన మార్గదర్శకాలు