ఆన్​లైన్​లో పదోతరగతి హాల్​టికెట్లు

పదో తరగతి పరీక్షలకు హాల్ టికెట్లను ప్రభుత్వ పరీక్షల విభాగం ఆన్​లైన్​లో అందుబాటులో ఉంచింది. ఇప్పటికే పాఠశాలలకు హాల్​టికెట్లు పంపించామని... అక్కడి నుంచి విద్యార్థులు తీసుకోవాలని ప్రభుత్వ పరీక్షల విభాగం సంచాలకుడు ఎ.సత్యనారాయణ రెడ్డి సూచించారు.

ఈనెల 19 నుంచి పదోతరగతి పరీక్షలు ప్రారంభం కానున్న నేపథ్యంలో హాల్​టికెట్లు విద్యార్థులకు అందుబాటులో ఉంచేందుకు ఆన్​లైన్​లో ఉంచినట్లు అధికారులు తెలిపారు. ఒకవేళ ఫీజు చెల్లించలేదనో... ఇతర కారణాలతోనో యాజమాన్యాలు హాల్ టికెట్ ఇవ్వక పోతే.. నేరుగా వెబ్​సైట్ నుంచి డౌన్​లోడ్ చేసుకోవచ్చునని చెప్పారు.

హాల్ టికెట్లు bse.telangana.gov.in అందుబాటులో ఉన్నాయని తెలిపారు. రాష్ట్రవ్యాప్తంగా సుమారు 5 లక్షల 34వేల మంది విద్యార్థులు పరీక్షలకు హాజరు కానున్నారు. మొత్తం 2,530 పరీక్ష కేంద్రాలను ఏర్పాటు చేసినట్లు సత్యనారాయణ రెడ్డి తెలిపారు.