ఫోటోగ్రఫీ, వీడియోగ్రఫీలో రాణిస్తున్న ఈ 23 ఏళ్ల యువకుడి పేరు ఖాన్‌ తారీక్. పుట్టింది ముంబైలో. అక్కడే విద్యాభ్యాసం పూర్తి చేశాడు. చిన్ననాటి నుంచే ఫోటోగ్రఫీ, వీడియోగ్రఫీపై ఇష్టం ఉన్న థారీక్‌... పాఠశాల, కళాశాల్లో ఏ ఈవెంట్‌ జరిగినా.. వినూత్నంగా ఫోటోలు తీస్తూ అధ్యాపకుల మెప్పు కూడా పొందేవాడు.
చదువుల్లో చురుకుగా ఉండే తారీక్.. ఉద్యోగ బాట పట్టకుండా తనకిష్టమైన ఫోటోగ్రఫీనే కెరీర్‌గా ఎంచుకోవాలనుకున్నాడు. అందుకు పెద్దపెద్ద కెమెరాలు కొనాలంటే లక్షల్లోనే డబ్బులు కావాలి. కానీ డబ్బులు లేకున్నా వెనకడుగు వేయకుండా తన వద్ద ఉన్న చిన్న స్మార్ట్‌ఫోన్‌తోనే ఫోటోలు తీయడం ఆరంభించాడు. స్మార్ట్‌ఫోన్‌, చుట్టు ఉండే చిన్న పరికరాలతోనే ఎంతటి క్రియేటివిటీ ఫోటోలనైనా ఈజీగా తీయోవచ్చని నిరూపిస్తున్నాడీ యువకుడు.
చూడండి తన ఇంట్లోనే ఉన్న వస్తువులను తనదైన శైలిలో వినియోగించి ఎలా చిత్రాలు తీస్తున్నాడో. వీటితో తీసిన ఫోటోలను ఎడిటింగ్‌ చేసే నైపుణ్యం కలిగిన ఖాన్‌ తారీక్.. తక్కువ కాలంలోనే ది బెస్ట్‌ ఫోటోగ్రాఫర్‌గా ఎదిగాడు. ఫోటోగ్రఫీతో పాటు వీడియోగ్రఫీలోనూ రాణిస్తున్న యువకుడు.. తన నైపుణ్యాన్ని మరింత మందికి పంచాలనుకున్నాడు. దీనికోసం మొదట టిక్‌టాక్‌ బాట పట్టాడు. తర్వాత ఇన్‌స్టాగ్రామ్‌లో కోట్లాది మందికి చేరువయ్యాడు. తన ఫోటోల సమాచారాన్ని.. ఎలాంటి ఫోటోలు తీస్తున్నాననే అనే విషయాలను అక్కడ చెప్తుంటాడు.