హైదరాబాద్లో రేపటి నుంచి ప్రారంభమయ్యే ఎంఎంటీఎస్ రైళ్లలో ప్రయాణికుల కోసం దక్షిణ మధ్య రైల్వే ఓ వెసులుబాటు కల్పించింది. గతంలో తీసుకున్న సీజనల్ టికెట్ల గడువును పొడిగిస్తున్నట్లు జనరల్‌ మేనేజర్ గజానన్ మాల్యా ప్రకటించారు. మార్చి 2020లో ఎంఎంటీఎస్ సర్వీసుల రద్దు కారణంగా నష్టపోయిన ప్రయాణికులు.. కాలాన్ని పునరుద్ధరించిన సమయం నుంచి సీజన్‌ల్ టికెట్లో మిగిలిన రోజులను పొడిగించుకునేందుకు అర్హులని వెల్లడించారు.
MMTS Trains: గుడ్ న్యూస్.. ఎంఎంటీఎస్ ప్రయాణికులకు వెసులుబాటు - దక్షిణ మధ్య రైల్వే
కొవిడ్ మహమ్మారి తగ్గుముఖం పట్టడం, రాష్ట్రంలో లాక్డౌన్ ఎత్తివేయడంతో నగర వాసులు ఎప్పుడెప్పుడా అని ఎదురుచూస్తోన్న ఎంఎంటీఎస్ రైళ్లు పట్టాలెక్కనున్నాయి. దాదాపు 15 నెలల తర్వాత.. రేపటినుంచి సేవలు మళ్లీ అందుబాటులోకి రానున్నాయి. అయితే దక్షిణ మధ్య రైల్వే.. ప్రయాణికుల కోసం ఓ వెసులుబాటు కల్పించింది. గతంలో తీసుకున్న సీజనల్ టికెట్ల గడువును పొడిగిస్తున్నట్లు ప్రకటించింది.
ఎంఎంటీఎస్ రైళ్లు
ప్రయాణికులకు సౌకర్యార్ధం తీసుకొచ్చిన నగదు రహిత టికెటింగ్ వంటి సదుపాయాలను వినియోగించుకోవాలని గజానన్ మాల్యా సూచించారు. బుకింగ్‌ కౌంటర్ల వద్ద రద్దీ నివారణకు భౌతిక దూరం పాటించేలా డిజిటల్‌ విధానాన్ని వినియోగించుకోవాలన్నారు. ప్రయాణికులంతా కొవిడ్ నిబంధనలను పాటించాలని కోరారు.
ఇదీ చదవండి:మద్యం డబ్బులు ఇవ్వలేదని.. మందుబాబుని చితకబాదిన మహిళ