భద్రతా ప్రణాళిక రూపొందించండి: గజానన్ మాల్య

వర్షాకాలంలో తగిన భద్రతా ప్రణాళిక రూపొందించి ముందు జాగ్రత్త చర్యలు తీసుకోవాలని దక్షిణ మధ్య రైల్వే జనరల్ మేనేజర్ గజానన్ మాల్య అధికారులకు సూచించారు. మంగళవారం సికింద్రాబాద్ రైల్ నిలయంలో భద్రత , సమయపాలన, సరకు రవాణా, లోడింగ్​పై సమీక్షించారు.

సికింద్రాబాద్ రైల్ నిలయంలో దక్షిణ మధ్య రైల్వే జనరల్ మేనేజర్ గజానన్ మాల్య అధ్యక్షతన సమీక్ష సమావేశం జరిగింది. వర్షాకాలంలో తగిన భద్రతా ప్రణాళిక రూపొందించి ముందు జాగ్రత్త చర్యలు తీసుకోవాలని గజానన్ మాల్య అధికారులకు సూచించారు. భద్రత , సమయపాలన, సరకు రవాణా, లోడింగ్​పై సమీక్షించారు. వానాకాలంలో రైలు పట్టాలకు హానికలిగే అవకాశం ఉన్న, సున్నితమైన ప్రదేశాలను గుర్తించి నిఘాను పటిష్టం చేయాలన్నారు.

రైల్వే పట్టాలు, స్వరూపం స్పష్టంగా కనిపించే విధంగా చెట్ల కొమ్మలను కత్తిరించాలని సూచించారు. అన్ని ప్రధాన, ప్రతిపాదిత వంతెనల వద్ద బజర్ సౌకర్యం గల అనిమో మీటర్లను అమర్చాలన్నారు. ఈ సమావేశంలో అదనపు జనరల్ మేనేజర్ బి.బి. సింగ్​తోపాటు అన్ని విభాగాల జోనల్ స్థాయి అధికారులు, 6 డివిజన్ల డిఆర్ఎంలు వీడియో కాన్ఫరెన్స్ ద్వారా పాల్గొన్నారు.

ఇవీ చూడండి:తక్కువ ధరకే మాస్కులు... నకిలీ పత్రాలతో పక్కా ప్లాన్