సినీ నటుడు సోనూసూద్ మరోమారు గొప్ప మనసు చాటుకున్నారు. ఆంధ్రప్రదేశ్లోని నెల్లూరు జిల్లాలో రూ.1.5 కోట్ల వ్యయంతో ఆక్సిజన్ ప్లాంట్ ఏర్పాటుకు హామీ ఇచ్చారు. నెల్లూరులోని జెండా వీధిలో ఉంటున్న సోనూసూద్ మిత్రుడు సమీర్‌ఖాన్‌ కుటుంబ సభ్యులకు ఇటీవల కరోనా మహమ్మారి సోకింది. ఆసుపత్రుల్లో ఆక్సిజన్ పడకలు దొరక్క వారు మృత్యువాతపడ్డారు.
ఈ నేపథ్యంలో నెల్లూరు జిల్లాలో ఆక్సిజన్ ప్లాంట్ ఏర్పాటు చేయాలని సోనూసూద్‌ను సమీర్‌ఖాన్‌ కోరారు. సోనూసూద్ ఇందుకు సానుకూలంగా స్పందించడంతో సమీర్‌ఖాన్‌ ఈ విషయాన్ని జిల్లా కలెక్టర్‌ దృష్టికి తీసుకెళ్లారు. ఫోన్‌లో మాట్లాడించారు. ఆత్మకూరు లేదా కావలి ప్రాంతంలో ప్లాంట్ ఏర్పాటు చేసేందుకు అధికారులు సన్నాహాలు చేస్తున్నారు.