Somireddy Comments : జగన్మోహన్రెడ్డి పాదయాత్రలో 8 మంది చనిపోయి.. 170 మందికి గాయాలైతే కనీసం ఒక్కరినీ పరామర్శించలేదని టీడీపీ పొలిట్ బ్యూరో సభ్యులు సోమిరెడ్డి చంద్రమోహన్ రెడ్డి విమర్శించారు. చంద్రబాబు బాధ్యతతో పరామర్శించి, పరిహారం ఇచ్చారని తెలిపారు. ఏసీ మెకానిక్ చనిపోతే రూ.3 లక్షలు, ఆదినారాయణ కుటుంబానికి రూ.లక్షన్నర ఇచ్చి మంత్రి కాకాణి చేతులు దులుపుకున్నారని మండిపడ్డారు. కందుకూరు వెళ్తే కాకాణిని ప్రజలు ముఖం మీద కొడతారన్నారు. 2013లో షర్మిల పాదయాత్రలో మనిషి చనిపోతే కనీసం పరామర్శించలేదని సోమిరెడ్డి దుయ్యబట్టారు.
ఆంధ్రప్రదేశ్లో చంద్రబాబుకు ప్రజలు బ్రహ్మరథం పడుతున్నారని తెలిపారు. ప్రధానమంత్రి స్పందించే వరకూ ముఖ్యమంత్రికి స్పందించే తీరిక లేదా అంటూ మండిపడ్డారు. వ్యవసాయ శాఖ మంత్రి కాకాణికి దమ్ముంటే చనిపోయిన కుటుంబాలకు రూ.5 లక్షల పరిహారం ముఖ్యమంత్రికి చెప్పి ఇప్పించాలని సోమిరెడ్డి చంద్రమోహన్‌రెడ్డి డిమాండ్‌ చేశారు.