సామాజిక మాధ్యమాల వినియోగం పెరిగిన కొద్దీ అదే స్థాయిలో మోసాలు చోటుచేసుకుంటున్నాయి. సోషల్ మీడియాలో పెడుతున్న ఫొటోలను కొందరు దుర్వినియోగం చేస్తున్నారు. అడ్డదారుల్లో సంపాదనే లక్ష్యంగా మోసాలకు పాల్పడుతున్నారు. అమాయకుల చిత్రాలు ఇతర సైట్లలో పెట్టి వారికి నష్టం కలిగిస్తున్నారు.
ఇన్స్టా ఫొటోలు.. డేటింగ్ యాప్లో..
విజయనగరం జిల్లాకు చెందిన వెన్నెల వెంకటేశ్‌ అనే వ్యక్తి.. అమ్మాయిల ఫొటోలు డేటింగ్ సైట్లలో పెట్టి అక్రమాలకు పాల్పడినట్లు పోలీసులు గుర్తించారు. ఓ యువతి తన ఇన్‌స్టాగ్రాంలో పెట్టిన ఫొటోలు.. డేటింగ్‌సైట్‌లో ప్రత్యక్షమవగా.. ఆశ్చర్యానికి గురయ్యారు. ఆమెకు కాబోయే భర్త డేటింగ్ సైట్‌లో యువతి ఫొటోలు చూడగా.. పెళ్లి ఆగిపోయింది. ఆ సైట్‌లో తన పేరుతో చాటింగ్ చూసిన యువతి.. పోలీసులకు ఫిర్యాదు చేశారు. దర్యాప్తు చేసిన పోలీసులు వెంకటేశ్‌ను అరెస్టు చేశారు.
ఫొటో కావాలా? వీడియో కావాలా?