శ్రీరామ నవమి శోభాయాత్ర రద్దు: ఎమ్మెల్యే రాజా సింగ్

ప్రతి సంవత్సరం వైభవంగా నిర్వహించే శ్రీరామ నవమి శోభాయాత్రను ఈ ఏడాది రద్దు చేస్తున్నామని భాజపా ఎమ్మెల్యే రాజా సింగ్ ప్రకటించారు. కొవిడ్​ సెకండ్ వేవ్​ నేపథ్యంలో ఈ నిర్ణయం తీసుకున్నట్లు ఆయన వివరించారు.

హైదరాబాద్​లో కొవిడ్​ కేసులు మళ్లీ విపరీతంగా పెరుగుతుండడంతో.. ఈ ఏడాది శ్రీరామ నవమి శోభాయాత్రను రద్దు చేస్తున్నట్లు గోషామహల్ ఎమ్మెల్యే రాజాసింగ్ తెలిపారు. వైరస్​ వ్యాపించకూడదనే ఆలోచనతో.. ఈ నిర్ణయం తీసుకున్నట్లు ఆయన వివరించారు. అందుకు భక్తులంతా సహకరించాలని కోరారు.

పండుగ రోజున ధూల్​పేటలోని ఆకాశ్​పూరి హనుమాన్ ఆలయం వద్ద ప్రత్యేక పూజలు జరుపుతామని అన్నారు. గతేడాది ఇదే క్రమంలో.. పెరుగుతున్న కేసుల దృష్ట్యా వేడుకలను రద్దు చేయడం తెలిసిందే.

ఇదీ చదవండి:అమర్​నాథ్ మంచు శివలింగం దృశ్యాలు విడుదల