Registration Office: రిజిస్ట్రేషన్​ కార్యాలయాల్లో సర్వర్​ సమస్యలు

రెండు రోజులుగా రాష్ట్రవ్యాప్తంగా రిజిస్ట్రేషన్ కార్యాలయా(Registration Office)ల్లో సర్వర్ సమస్య ఉండటం వల్ల రిజిస్ట్రేషన్ల కోసం వచ్చే వారు వెనుదిరుగుతున్నారు. హైదరాబాద్​ మూసాపేట్ రిజిస్ట్రేషన్​ కార్యాలయంలో సర్వర్​ సమస్య తలెత్తటంతో రిజిస్ట్రేషన్​కు వచ్చిన వారు తిరిగి వెళ్లారు.

హైదరాబాద్​ మూసాపేట్ రిజిస్ట్రేషన్​ కార్యాలయాని(Registration Office)కి రిజిస్ట్రేషన్​ కోసం ఉదయాన్నే ప్రజలు వచ్చారు. సంబంధిత పత్రాలు సిద్ధం చేసుకున్నారు. కాని సర్వర్​ సమస్య రావటంతో మధ్యాహ్నం 12 గంటల వరకు వేచిచూసి తిరిగి ఇంటికి వెళ్లిపోయారు.

వెబ్​సైట్లలో కొన్ని మార్పులు చేస్తుండడంతో ఈ సమస్య తలెత్తిందని అధికారులు చెబుతున్నారు. సోమవారం నుంచి సర్వర్లు పనిచేస్తాయని తెలిపారు. ప్రజలు తమకు సహకరించాలి కోరారు.

ఇదీ చదవండి:తిమింగలం కడుపులో 'నిధి'- రాత్రికి రాత్రే కోటీశ్వరులైన జాలర్లు