పదిరోజుల్లో రెండోసారి అగ్నిప్రమాదం... పదెకరాలు దగ్ధం

గచ్చిబౌలి సెంట్రల్​ యూనివర్సిటీలో పదిరోజుల్లో రెండోసారి భారీ అగ్నిప్రమాదం సంభవించింది. అర్ధరాత్రి చెలరేగిన మంటలకు పదెకరాలకు పైగా అటవీప్రాంతం దగ్ధమయ్యింది. బయట వ్యక్తులను వర్సిటీలోకి అనుమతించకూడదంటూ విద్యార్థులు డిమాండ్​ చేశారు.

గచ్చిబౌలి సెంట్రల్​ యూనివర్సిటీలో భారీ అగ్నప్రమాదం జరిగింది. గత పదిరోజుల్లో వర్సిటీ అటవీప్రాంతంలో రెండోసారి అగ్నిప్రమాదం సంభవించింది. మంటలు అర్ధరాత్రి చెలరేగడం వల్ల పది ఎకరాలకు పైగా అటవీప్రాంతం అగ్నికి ఆహుతయ్యింది.

స్థానికుల సమాచారంతో గచ్చిబౌలి పోలీసులు, మాదాపూర్​ అగ్నిమాపక సిబ్బంది సకాలంలో స్పందించారు. వర్సిటీ సిబ్బందితో కలిసి మంటలను అదుపులోకి తీసుకొచ్చారు. జరిగిన ప్రమాదంతో విద్యార్థులు భయాందోళనకు గురయ్యారు. బయటి వ్యక్తులు వర్సిటీ ప్రాంగణంలోకి రాకుండా సెక్యూరిటీ సిబ్బంది కఠిన చర్యలు చేపట్టాలని విద్యార్థులు డిమాండ్ చేశారు.

ఇదీ చదవండి:'మిగులు జలాల వినియోగంపై పూర్తి వివరాలు సమర్పించండి'