కరోనా వైరస్ను పారద్రోలేందుకు టీకాను తయారు చేయండంలో భారత్ బయోటిక్ కీలక దిశగా అడుగులు వేస్తుంది. కొవాగ్జిన్ తొలి విడత క్లినికల్ ట్రయల్స్ ముగింపు దశలో ఉండగా... రెండో దశ పరీక్షలు చేసేందుకు సన్నాహాలు చేస్తోంది. సెప్టెంబరు రెండో వారంలో ఇవి ప్రారంభమయ్యే అవకాశం ఉందని నిమ్స్‌ అధికార వర్గాలు వెల్లడించారు.
ఆరు నెలల పర్యవేక్షణ
దేశవ్యాప్తంగా భారతీయ వైద్య పరిశోధన మండలి (ఐసీఎంఆర్‌) ఎంపిక చేసిన 12 కేంద్రాల్లో రెండో దశ పరీక్షలు నిర్వహిస్తారు. తొలి విడత పరీక్షల్లో 50 మంది వాలంటీర్లకు రెండు డోసుల వంతున టీకా అందించిన సంగతి తెలిసిందే. తొలి డోసు ఇచ్చిన 14 రోజుల తర్వాత అందరికీ బూస్టర్‌ డోస్‌ అందించారు. వారి రక్త నమూనాలను భారత్ బయోటిక్ ల్యాబ్‌తో పాటు పుణెలోని వైరాలజీ లేబొరేటరీ, ఐఎంఆర్‌కు పంపారు. వీటి ఫలితాలు త్వరలో వెల్లడయ్యే అవకాశం ఉంది. ఈ 50 మంది ఆరోగ్య పరిస్థితిని దాదాపు ఆరు నెలల పాటు పర్యవేక్షించనున్నారు.