భక్తిశ్రద్ధలతో విశాఖ తీరాన సముద్ర స్నానాలు

మార్గశిర మాస పాడ్యమి పురస్కరించుకొని తెల్లవారుజాము నుంచి ఆంధ్రప్రదేశ్​లో సముద్ర స్నానాలు ఆచరిస్తున్నారు. దీంతో విశాఖ జిల్లాలోని రామకృష్ణ బీచ్​లో సందడి వాతావరణం నెలకొంది.

మార్గశిర మాస పాడ్యమి సందర్భంగా సముద్ర స్నానాలు ఆచరించేందుకు పెద్ద ఎత్తున భక్తులు పాల్గొన్నారు. ఏపీ విశాఖలోని రామకృష్ణ బీచ్ మొదలుకొని సముద్ర తీరం అంతటా సందడి నెలకొంది. కార్తిక మాసం చివర్లో అమావాస్య తర్వాత వచ్చే పోలి పాడ్యమి సందర్భంగా సముద్ర, నదీతీరాల్లో దీపాలు వదలడం ఆనవాయితీ.

మహిళలు సాగర ఒడ్డున దీపాలను వెలిగించి సూర్యభగవానుడికి అంజలి ఘటించారు. రద్దీ వల్ల ఎటువంటి అవాంఛనీయ ఘటనలు జరగకుండా పోలీసులు గస్తీ నిర్వహించారు.

• ఇదీ చూడండి :రిజిస్ట్రేషన్ సమస్యలపై మంత్రివర్గ ఉపసంఘం భేటీ