ఈసారి సంక్రాంతి సెలవులు అయిదు రోజులే
ఈసారి పాఠశాలలకు ఆరు రోజులకు బదులు అయిదు రోజులే సంక్రాంతి సెలవులు ఉంటాయి. ఈ మేరకు పాఠశాల విద్యాశాఖ కమిషనర్ విజయకుమార్ బుధవారం ఉత్తర్వులు జారీ చేశారు. ఈనెల 11వ తేదీకి బదులు 12 నుంచి 16 వరకు మాత్రమే సెలవులిస్తారు. విద్యా కాలపట్టిక (అకడమిక్ క్యాలెండర్ ) ప్రకారం జనవరి 11 నుంచి 16 వరకు సంక్రాంతి సెలవలుండాలి.
ఆర్టీసీ సమ్మె నేపథ్యంలో నాడు దసరా సెలవులు పొడిగించినందున ఏడు రెండో శనివారాలు పాఠశాలలు పనిచేయాలని అప్పట్లో విద్యాశాఖ జీఓ జారీ చేసింది. ఇప్పుడు రెండో శనివారం సెలవు ఇస్తే ప్రభుత్వ ఉత్తర్వులను ఉల్లఘించినట్లవుతుందని భావించిన కమిషనర్ రాష్ట్రంలోని అన్ని ప్రభుత్వ ఏయిడెడ్, ప్రైవేట్ పాఠశాలలు 11న పనిచేయాలని తాజా ఆదేశాలు జారీ చేశారు.