ఏపీ కాంగ్రెస్ కమిటీ నూతన అధ్యక్షుడిగా శైలజనాథ్

ఏపీపీసీ నూతన అధ్యక్షుడిగా మాజీమంత్రి శైలజానాథ్ ప్రమాణ స్వీకారం చేశారు. ఈ కార్యక్రమానికి ఉమెన్ చాందీ సహా పలువురు నేతలు హాజరయ్యారు.

ఆంధ్రప్రదేశ్ కాంగ్రెస్ కమిటీ నూతన అధ్యక్షుడిగా సాకే శైలజనాథ్ ప్రమాణ స్వీకారం చేశారు. ఆయనతో పాటు కార్యనిర్వాహక అధ్యక్షుడిగా షేక్ మస్తాన్ వలి, ఎన్.తులసిరెడ్డి ప్రమాణం చేశారు. విజయవాడలోని తుమ్మలపల్లి కళాక్షేత్రంలో నిర్వహించిన ఈ కార్యక్రమానికి రాష్ట్ర కాంగ్రెస్ వ్యవహారాల ఇంఛార్జి ఉమెన్​చాందీ, తెలంగాణ పీసీసీ అధ్యక్షుడు ఉత్తమ్ కుమార్ రెడ్డి, కర్ణాటక పీసీసీ అధ్యక్షుడు గుండురావ్, రాజ్యసభ సభ్యుడు కేవీపీ, కేంద్ర మాజీమంత్రి మునియప్ప, మధుయాష్కీ గౌడ్, భట్టి విక్రమార్క తదితరులు హాజరయ్యారు.

జేఏసీ నాయకులు, రైతుల వినతి

ప్రమాణస్వీకార కార్యక్రమానికి ముందు​ గన్నవరం విమానాశ్రయంలో ఉమెన్​చాందీని అమరావతి ఐకాస నాయకులు, రైతులు కలిశారు. మూడు రాజధానులు వద్దు అంటూ ఉమెన్ చాందీకి వినతి పత్రం అందజేశారు.

ఇవీ చూడండి: అనుమతి ఇవ్వమంటే.. చెప్పుతో కొట్టిన అధికారిణి