'విద్యావంతులైనా ప్రకృతిని నాశనం చేస్తున్నాం'

శారీరక ఉన్నతితో సహా ప్రకృతిని సంరక్షించుకోవల్సిన అవసరం ఎంతైన ఉందని సచ్చిదానంద యోగా మిషన్​ సంస్థాపక అధ్యక్షులు సాద్వి నిర్మలానంద యోగ భారతి తెలిపారు. పూర్వకాలంలో నిరక్షరాస్యులైనా ప్రకృతిని కాపాడారని ప్రస్తుతం విద్యావంతులైనా ప్రకృతిని నాశనం చేస్తున్నామని ఆవేదన వ్యక్తం చేశారు.

నేటితరం అంతా విద్యావంతులైనా ప్రకృతిని నాశనం చేస్తున్నామని సచ్చిదానంద యోగా మిషన్​ సంస్థాపక అధ్యక్షులు సాద్వి నిర్మలానంద యోగ భారతి ఆవేదన వ్యక్తం చేశారు. ఈనెల 26న రంగారెడ్డి జిల్లా శంకరపల్లి మండలం మేకాన్​గడ్డ శ్రీ వేణుగోపాల స్వామి మందిర గోశాలలో సచ్చిదానంద యోగా మిషన్​, పతంజలి యోగమఠం ఆధ్వర్యంలో రుషికులం వేదగురుకులం ప్రారంభోత్సవానికి సంబంధించిన గోడపత్రిక ఆవిష్కరించారు. కార్యక్రమంలో యోగ మిషన్​ కార్యనిర్వాహక కార్యదర్శులు డాక్టర్​ ధర్మతేజ, ధర్మపాల్​ పాల్గొన్నారు. నైపుణ్య అభివృద్ధి శిక్షణ భవనం ప్రారంభోత్సవం జరగనుంది. కార్యక్రమానికి మాజీ ఎంపీ బస్వరాజ్ పాటిల్‌, ఆర్ష విద్యాపీఠం అధిపతి స్వామి ప్రణవానంద సరస్వతి, భారతీయం సంస్థాపక అధ్యక్షులు మాత సత్యవాణి తదితరులు హాజరవుతారని తెలిపారు.

ఇదీ చదవండి: లక్ష తులసి దళాలతో లక్ష్మీ నరసింహ స్వామికి అర్చన