'కేసీఆర్ ఆలోచనలతో రాష్ట్రానికి పెట్టుబడులు వెల్లువలా వస్తున్నాయి'

Sabita Indra Reddy On Higher Education: ముఖ్యమంత్రి కేసీఆర్ ఆలోచనలతో రాష్ట్రానికి పెట్టుబడులు వెల్లువలా వస్తున్నాయని మంత్రి సబిత ఇంద్రారెడ్డి అన్నారు. సీఎం ఆశయం మేరకు చదివిన ప్రతీఒక్కరికి ఉద్యోగం కల్పించే లక్ష్యంతో పనిచేయాలని అధికారులకు సూచించారు. హైదరాబాద్‌లోని ఉన్నత విద్యతో ఉద్యోగావకాశాలపై నిర్వహించిన ఓ కార్యక్రమంలో ఆమె పాల్గొన్నారు.

Sabita Indra Reddy On Higher Education: రాష్ట్రం ఏర్పాటుతో ఉన్నత విద్యలోనూ కీలక మార్పులు వచ్చాయని విద్యాశాఖ మంత్రి సబితా ఇంద్రారెడ్డి అన్నారు. విద్యాలయాల్లోనే క్యాంపస్ ప్లేస్​మెంట్ వచ్చే పరిస్థితి వచ్చిందని తెలిపారు. మూస పద్ధతిలో కాకుండా డిమాండ్‌కి తగ్గట్టు చదవాలని పేర్కొన్నారు. సీఎం కేసీఆర్ ఆలోచనలతో రాష్ట్రానికి పెట్టుబడులు వెల్లువలా వస్తున్నాయని పేర్కొన్నారు. హైదరాబాద్‌లోని ఓ ప్రైవేట్‌ హోటల్‌లో నిర్వహించిన ఉన్నత విద్య సదస్సులో ఆమె పాల్గొన్నారు.

ఉన్నత విద్యతో ఉద్యోగావకాశాలపై అనే అంశంపై ఈ సదస్సులో చర్చించారు. ఐటీ పాలసీలు మార్చుతూ కేటీఆర్ కొత్త మార్గాలను అన్వేషిస్తున్నారని సబితా ఇంద్రారెడ్డి చెప్పారు. మంత్రి కేటీఆర్ కృషితో 1500 కంపెనీలు నగరానికి వచ్చాయని అన్నారు. తద్వారా లక్షలాది మందికి ఉద్యోగ అవకాశాలు వచ్చాయని తెలిపారు. అన్ని రంగాలు అభివృద్ధి జరగాలని రాష్ట్ర ప్రభుత్వం ఆలోచన అని వెల్లడించారు. ముఖ్యమంత్రి ఆశయం మేరకు చదివిన ప్రతీఒక్కరికి ఉద్యోగం కల్పించే లక్ష్యంతో పనిచేయాలని మంత్రి అధికారులకు సూచించారు.

"ఐటీ పాలసీ, ఎలక్ట్రికల్ వెహికల్స్ పాలసీ, అని కొత్త కొత్త పాలసీలు తీసుకువస్తున్నారు. టీఎస్ఐపాస్ అని పెట్టి కొత్త కంపెనీలకు ఇబ్బంది లేకుండా అనుమతులు మంజూరు చేస్తున్నారు. ఈ 8సంవత్సరాలలో 17,000 కంపెనీలు రాష్ట్రానికి వచ్చాయి. మన రాష్ట్రానికి అవకాశానికి కల్పించే విధంగా సీఎం కేసీఆర్ ప్రయత్నాలు చేస్తున్నారు. ఒక్క రంగమే కాకుండా అన్ని రంగాల్లో అభివృద్ధి జరగాలని చూస్తున్నారు. ప్రతి విద్యార్థి ఉపాధి కల్పించే విధంగా బోధనలో తగు మార్పులు చేసి వారికి అందించాలని మిమ్మల్ని కోరుతున్నాను." - సబితా ఇంద్రారెడ్డి, విద్యాశాఖ మంత్రి

ఇవీ చదవండి:ప్రజా సమస్యలపై కాంగ్రెస్ పోరు.. సీఎస్​ను కలిసి వినతి పత్రం