మమ్మల్ని విధుల్లోకి తీసుకోండి: ఆర్టీసీ కార్మికులు

విధుల్లో చేరుతామంటూ హైదరాబాద్ ఫారూఖ్ నగర్, ఫలక్​నుమా డిపోలకు చెందిన ఆర్టీసీ కార్మికులు మేనేజర్‌ను కలిసి విజ్ఞప్తి చేశారు. సమ్మె కారణంగా చాలా నష్టపోయామని పలువురు కార్మికులు వాపోయారు.

విధుల్లో చేరేందుకు సిద్ధమని హైదరాబాద్ పాతబస్తీ ఫారూఖ్ నగర్, ఫలక్​నుమా డిపోలకు చెందిన ఆర్టీసీ కార్మికులు ప్రకటించారు. 52 రోజుల నుంచి సమ్మె చేస్తున్నా ప్రభుత్వం పట్టించుకోవడం లేదని ఆవేదన వ్యక్తం చేశారు. ఎలాంటి షరతులు లేకుండా విధుల్లోకి తీసుకోవాలని మేనేజర్​కు లిఖిత పూర్వకంగా రాసుకొచ్చిన పేపర్లను అందించారు. ఈ విషయాన్ని ఉన్నతాధికారుల దృష్టికి తీసుకెళ్తామని మేనేజర్‌ పేర్కొన్నారు.

ఇవీచూడండి: వేతనం మినహాయించుకునే అధికారం ఆర్టీసీకి ఉంది: అదనపు ఏజీ