ఈనెల 19న ఆర్టీసీ కార్మికుల చలో అసెంబ్లీ

ఆర్టీసీపై ప్రభుత్వ వైఖరికి నిరసనగా ఈనెల 19న సామూహిక నిరాహార దీక్ష, చలో అసెంబ్లీ కార్యక్రమాలు నిర్వహిస్తున్నట్లు ఆర్టీసీ ఎంప్లాయిస్​ యూనియన్​ అధ్యక్ష, ప్రధాన కార్యదర్శులు బాబు, రాజిరెడ్డి తెలిపారు.

ఆర్టీసీని ప్రభుత్వంలో విలీనం చేయాలని, సిబ్బంది సమస్యలను పరిష్కరించాలని ఆర్టీసీ ఎంప్లాయిస్​ యూనియన్​ అధ్యక్షుడు ఎస్​ బాబు, ప్రధాన కార్యదర్శి రాజిరెడ్డి డిమాండ్​ చేశారు. రోడ్డు రవాణా సంస్థపై ప్రభుత్వ వైఖరిని నిరసిస్తూ ఈనెల 19న సామూహిక నిరాహార దీక్షలు చేస్తున్నట్లు తెలిపారు. అనంతరం చలో అసెంబ్లీ కార్యక్రమాన్ని నిర్వహిస్తామన్నారు. ఇందుకు సంబంధించిన గోడ పత్రికను హైదరాబాద్​ విద్యానగర్​లోని యానియన్​ కార్యాలయంలో ఆవిష్కరించారు.

వేతన సవరణచేయాలని, ఆర్టీసీకి పూర్తిస్థాయి ఎండీని నియమించాలని వారు విజ్ఞప్తి చేశారు. డ్రైవర్లు, కండక్టర్లకు ఉద్యోగ భద్రత కల్పించాలని డిమాండ్​ చేశారు.

ఇవీ చూడండి: కొండగట్టు వెళ్లే బస్​లో 125మంది... సీజ్​