మహిళా ప్రయాణికుల భద్రత కోసం ఆర్పీఎఫ్​ 'మేరీ సహేలీ'

రైళ్లలో ప్రయాణించే మహిళా ప్రయాణికుల భద్రత, వారు తీసుకోవాల్సిన జాగ్రత్తలపై రైల్వే శాఖ అవగాహన కార్యక్రమం నిర్వహించింది. ఆర్పీఎఫ్​ ఆధ్వర్యంలో మేరీ సహేలీ పేరుతో సికింద్రాబాద్​ రైల్వే స్టేషన్​లో మహిళలకు భద్రతా సిబ్బంది అవగాహన కల్పించారు.

రైలు ప్రయాణంలో మహిళలకు ఎలాంటి ఆపద రాకుండా రైల్వే శాఖ అధికారులు ప్రత్యేక చర్యలు చేపడుతున్నారు. "మేరీ సహేలీ" పేరుతో సికింద్రాబాద్ రైల్వే స్టేషన్‌లో ఓ అవగాహన కార్యక్రమం నిర్వహించారు. రైళ్లలో మహిళల భద్రత, ప్రయాణికులు తీసుకోవాల్సిన జాగ్రత్తలపై రైల్వే ఐజీ ఈశ్వర్‌రావు ఆధ్వర్యంలో వారికి భద్రతా సిబ్బంది అవగాహన కల్పించారు.

ఈ కార్యక్రమంలో భాగంగా గోల్కొండ ఎక్స్‌ప్రెస్‌లోని మహిళా ప్రయాణికులతో ఐజీ మాట్లాడి సందేహాలు నివృత్తి చేశారు. ప్రయాణంలో ఆపద వస్తే 182 నంబరుకు కాల్​ చేయాలని సూచించారు.

ఇదీ చదవండి:ఇంటి నుంచే పనా? ఈ యాప్‌లు మీ పని సులువవుతుంది!