విద్యార్థుల సమస్యల పరిష్కారం కోసం ఈనెల 29న ఇంటర్ బోర్డు ముందు తలపెట్టిన మహాధర్నా కార్యక్రమాన్ని విజయవంతం చేయాలని తెజస అధ్యక్షుడు కోదండరామ్‌ పిలుపునిచ్చారు. పార్టీలన్నీ ఏకమై తమ జెండాలను పక్కన పెట్టి ధర్నాకి పెద్ద ఎత్తున తరలి రావాలని కోరారు. ఇది ఏ ఒక్కరిచ్చే పిలుపు కాదని.. తెలంగాణ సమాజమే పిలుపునిచ్చినట్లుగా భావించి విద్యార్థుల ప్రాణాలు కాపాడేందుకు కంకణబద్దులు కావాలన్నారు.
హైదరాబాద్‌ సోమాజిగూడలోని ప్రెస్‌క్లబ్‌లో ఇంటర్ ఫలితాలు - దోషులు- పరిష్కారం అనే అంశంపై విద్యార్థి జన సమితి ఆధ్వర్యంలో నిర్వహించిన రౌండ్‌ టేబుల్‌ సమావేశానికి ఆయన హాజరయ్యారు. ఈ కార్యక్రమానికి ప్రొ.నాగేశ్వర్‌, మాజీ ఎంపీ వివేక్‌, ప్రొ. విశ్వేశ్వరరావు వివిధ సంఘాలకు చెందిన నాయకులు పాల్గొన్నారు.