Revanth Reddy Counter Tweet to KTR Tweet : కాంగ్రెస్ బస్సు యాత్ర తుస్సుమనడం ఖాయమని.. తెలంగాణకు నంబర్ వన్ విలన్ హస్తం పార్టీ అని కేటీఆర్ ట్వీట్లో ఆరోపించారు. ఆయన ట్వీట్కు రేవంత్రెడ్డి కౌంటర్ ట్వీట్ ఇచ్చారు. నిస్సిగ్గు మాటలకు కేరాఫ్ అడ్రస్ కేటీఆర్ అని విమర్శించారు. 10 ఏళ్లు అధికారంలో ఉండి అంట కాగింది బీజేపీ, బీఆర్ఎస్ అని దుయ్యబట్టారు. కాంగ్రెస్ ఇచ్చిన గిరిజన వర్సిటీ, బయ్యారం ఉక్కుకు పాతరేసింది మీరేనని ఆయన ఆక్షేపించారు.
Revanth Reddy Tweet Today :కాంగ్రెస్ ఇచ్చిన ఐటీఐఆర్ ప్రాజెక్టును పాతాళానికి తొక్కింది బీఆర్ఎస్ ప్రభుత్వమేనని రేవంత్రెడ్డి విమర్శించారు. విభజన చట్టంలోని హామీలను అమలు చేయించలేని అసమర్థులని.. తెలంగాణకు అసమర్థుల పాలన ఇక అవసరం లేదని ఆయన ట్వీట్ చేశారు.
అసలేం జరిగిదంటే : తెలంగాణకు నంబర్ వన్ విలన్ కాంగ్రెస్ అని కేటీఆర్ ధ్వజమెత్తారు. ల్యాండ్ మాఫియాకు కేరాఫ్ రేవంత్ రెడ్డి అని విమర్శించారు. ఆయన.. ముక్కు నేలకు రాసినా రాష్ట్ర ప్రజలు హస్తం పార్టీని నమ్మరని తెలిపారు. సంక్షేమంలో స్వర్ణయుగానికి కేరాఫ్ తెలంగాణ.. చీకటి పాలనకు చిరునామా కర్ణాటకని దుయ్యబట్టారు. గత పదేళ్ల కాలంలో ట్రైబల్ యూనివర్సిటీపై రాహుల్ గాంధీ ఎందుకు నోరు మెదపలేదని కేటీఆర్ ప్రశ్నించారు.
Priyanka Gandhi Fires on BRS and BJP : 'బీఆర్ఎస్ ప్రభుత్వ రిమోట్‌ మోదీ చేతిలో ఉంది'
Minister KTR Tweet Today :బయ్యారం ఉక్కు ఫ్యాక్టరీపై.. రాహుల్ గాంధీ ఒక్కసారైనా ఎందుకు బీజేపీని నిలదీయలేదని కేటీఆర్ ప్రశ్నించారు . విభజన హామీలపై ఏనాడూ ఎన్డీఏను ప్రశ్నించని రాహుల్కు.. రాష్ట్రంలో పర్యటించే అర్హత లేదని విమర్శించారు. కర్ణాటకలో ప్రజలకు ఇచ్చిన హామీలన్నీ వంద రోజుల్లోనే బొందపెట్టిన హస్తం పార్టీ అని మండిపడ్డారు. కానీ తెలంగాణలో మేనిఫెస్టోలో ఇవ్వని హామీలనూ నెరవేర్చిన ప్రభుత్వం తమదని కేటీఆర్ అన్నారు.