పబ్​లో రేవ్​ పార్టీ నిర్వహించిన ముగ్గురి అరెస్టు

పబ్బుల్లో అసాంఘిక కార్యకలాపాలను సహించేది లేదని పశ్చిమమండలం డీసీపీ ఏఆర్​ శ్రీనివాస్​ హెచ్చరించారు. జూబ్లీహిల్స్​లోని ఓ పబ్​లో ఈ నెల 12న రేవ్​ పార్టీ నిర్వహించిన ముగ్గురిని పోలీసులు అరెస్టు చేశారు.

హైదరాబాద్ జూబ్లీహిల్స్‌లోని ఎఫేర్‌ పబ్‌లో రేవ్‌ పార్టీ నిర్వహించిన కేసులో ముగ్గురు నిర్వాహకులను పోలీసులు అరెస్టు చేశారు. ఈ నెల 12న పబ్‌లో రేవ్ పార్టీ జరుగుతుందన్న సమాచారంతో పోలీసులు దాడి చేశారు. ఈ క్రమంలో 21 మంది యువతులను అదుపులోకి తీసుకున్నారు. వారిని బాధితుల కింద పరిగణించి వదిలివేసినట్లు పశ్చిమ మండలం డీసీపీ ఏఆర్ శ్రీనివాస్ తెలిపారు. సిగ్నోవా అనే పంట పరిశోధన సంస్థ తమ సిబ్బంది కోసం రేవ్ పార్టీ నిర్వహించినట్లు చెప్పారు.

ఆ సంస్థ యజమాని శ్రీనివాసనాయుడు, మేనేజర్ మహ్మద్ మోయిన్, మరో దళారి ప్రసాద్ గౌడ్‌ను అరెస్టు చేసినట్లు ప్రకటించారు. పబ్ యజమాని సంతోష్‌రెడ్డి, మేనేజర్‌ను అరెస్టు చేయాల్సి ఉందని డీసీపీ వివరించారు. పబ్బుల్లో అసాంఘిక కార్యకలాపాలను సహించేది లేదని హెచ్చరించారు.

ఇవీ చూడండి: నగ్నంగా నృత్యాలు చేస్తున్న 22 మంది యువతుల అరెస్ట్