Rental Buses for TSRTC: ఆసక్తి గల వారు దరఖాస్తు చేయొచ్చు... ఈ నెల 21 వరకు గడువు!

Rental Buses for TSRTC: అద్దె బస్సుల కోసం తెలంగాణ ఆర్టీసీ ఆసక్తి గల వారి నుంచి దరఖాస్తులు కోరింది. టెండర్ దరఖాస్తు ఫారం, టెండర్ షెడ్యూల్ కొరకు టీఎస్​ఆర్టీసీ వెబ్​సైట్​ నుంచి వివరాలు పొందవచ్చని తెలిపింది. డిసెంబర్ 21వ తేదీ మధ్యాహ్నం 2 గంటలలోపు టెండర్ దాఖలు చేయాలని కోరంది.

Rental Buses for TSRTC: తెలంగాణ ​ఆర్టీసీలో మరో 70 అద్దె బస్సులు పెరగనున్నాయి. ఆగస్టు నాటికి 3,107 అద్దెబస్సులు, 6,601 సొంత బస్సులు ఉన్నాయి. తాజాగా హైదరాబాద్​లో 40, కరీంనగర్​ జోన్​ పరిధిలో 30 బస్సులను అద్దెకు తీసుకునేందుకు ప్రకటన జారీ చేశారు. ఈనెల 21వ తేదీ మధ్యాహ్నం 2 గంటల వరకు టెండర్ దాఖలు చేసేందుకు చివరి తేదీగా సంస్థ వెల్లడించింది.

21వ తేదీ మధ్యాహ్నం 3 గంటలకు టెండర్ ఓపెన్ చేస్తారు. ఆదిలాబాద్, నిజామాబాద్, వరంగల్, ఖమ్మం, మెదక్, రంగారెడ్డి, నల్గొండ జిల్లాలో అద్దె బస్సుల కోసం దరఖాస్తు చేసుకోవచ్చని ఆర్టీసీ తెలిపింది. టెండర్ దరఖాస్తు ఫారం, టెండర్ షెడ్యూల్ కొరకు tsrtc.telangana.gov.in అనే వెబ్​సైట్ నుంచి వివరాలు పొందవచ్చని ఆర్టీసీ తెలిపింది.

ఇదీ చూడండి:TSRTC: అద్దెబస్సులు కావలెను… ఈనెల 21 వరకు టెండర్ వేయొచ్చు