పట్టభద్రుల ఎమ్మెల్సీ ఎన్నికలకు నోటిఫికేషన్ విడుదల

11:04 February 16

పట్టభద్రుల ఎమ్మెల్సీ ఎన్నికలకు నోటిఫికేషన్ విడుదల

పట్టభద్రుల ఎమ్మెల్సీ  ఎన్నికలకు నోటిఫికేషన్ విడుదలైంది. మహబూబ్‌నగర్‌-రంగారెడ్డి-హైదరాబాద్ స్థానంతో పాటు నల్గొండ- వరంగల్‌- ఖమ్మం స్థానానికి నోటిఫికేషన్​ను అధికారులు విడుదల చేశారు. హైదరాబాద్ స్థానానికి రిటర్నింగ్ అధికారి ప్రియాంక నోటిఫికేషన్​ జారీ చేశారు. ఇవాళ్టి నుంచి ఈ నెల 23వరకు నామినేషన్లు స్వీకరిస్తారు. 24న నామినేషన్ల పరిశీలన, 26న నామినేషన్ల ఉపసంహరణకు గడువు ఇచ్చారు. మార్చి 14న ఉదయం 8 గంటల నుంచి సాయంత్రం 4 గంటల వరకు పోలింగ్ నిర్వహించనున్నారు. మార్చి 17న ఓట్ల లెక్కింపు నిర్వహిస్తారు. 

హైదరాబాద్-రంగారెడ్డి-మహబూబ్‌నగర్ స్థానంలో 5.60 లక్షల పట్టభద్రుల ఓటర్లు ఉన్నారు. 616 పోలింగ్ కేంద్రాలు ఏర్పాటు చేశారు. ఎన్నికల డీఆర్సీ కేంద్రంగా ఎల్బీ స్టేడియంలో ఏర్పాటు చేశారు. ప్రతి పోలింగ్​ కేంద్రంలో వెబ్​ కాస్టింగ్​ నిర్వహణ చేయనున్నారు. జీహెచ్​ఎంసీ ప్రధాన కార్యాలయంలో ఉదయం 11 గంటల నుంచి మధ్యాహ్నం 3 గంటల వరకు నామినేషన్లు స్వీకరించనున్నారు.  

వృద్ధులు, దివ్యాంగులు, కొవిడ్ బాధితులకు పోస్టల్ బ్యాలెట్ సౌకర్యం కల్పించారు. నేటి నుంచి 5 రోజులపాటు  పోస్టల్ బ్యాలెట్ దరఖాస్తులు స్వీకరిస్తారు.