2019 జనవరి-సెప్టెంబర్ మధ్య గృహాల కొనుగోళ్ల వృద్ధిలో హైదరాబాద్ సత్తా చాటింది. ప్రధాన నగరాల్లో.. 36శాతం వృద్ధితో మొదటి స్థానంలో నిలిచినట్లు స్థిరాస్తి అధ్యయన సంస్థ జేఎల్ఎల్ నివేదిక తెలిపింది. 34 శాతం వృద్ధితో పుణె రెండో స్థానంలో ఉంది. దిల్లీ 13 శాతంతో చివరి స్థానంలో ఉంది.
ఈ నివేదిక ప్రకారం.. ముంబయి మినహా అన్ని నగరాల్లో ఇళ్ల అమ్మకాల వృద్ధి గాడిలో పడింది. గతేడాది ఇదే కాలంతో పోల్చితే బెంగళూరు మినహా అన్ని నగరాల్లో వృద్ధి రేటు పెరిగిందని నివేదిక తెలిపింది. నోట్ల రద్దు ప్రభావం ఇప్పటికీ అన్నింటికంటే ఎక్కువగా కోల్కతాపై ఉందని వెల్లడించింది. నోట్ల రద్దు వల్ల స్పల్ప కాలంలో కలిగిన ప్రతికూల ప్రభావాన్ని స్థిరాస్తి రంగం అధిగమిస్తోందని వెల్లడించింది. హైదరాబాద్, పుణె, చెన్నైలలో గృహాల కొనుగోళ్లు పెరిగాయని ప్రకటించింది.
ఇదీ చూడండి: ఆర్టీసీ బస్సులో అర్ధరాత్రి నుంచి కనీస ఛార్జీ - రూ.10