ప్రారంభానికి సిద్ధమవుతున్న ధరణి పోర్టల్
ధరణి పోర్టల్ పాక్షికంగా అందుబాటులోకి వచ్చింది. పోర్టల్ ద్వారా ప్రస్తుతం భూముల లావాదేవీలు జరగనప్పటికీ పాక్షికంగా అందుబాటులోకి వచ్చింది. ధరణిలో వ్యవసాయ, వ్యవసాయేతర ఆస్తుల లావాదేవీలు విడివిడిగా జరిపేలా ఏర్పాటు చేశారు. ప్రజలు రిజిస్ట్రేషన్ల కోసం స్లాట్ బుక్‌చేసుకోవడం, భూముల వివరాలు తెలుసుకోవడం, నిషేధిత భూముల వివరాలు, ఎంకంబరెన్స్ వివరాలతో పాటు స్టాంపు డ్యూటీ చెల్లింపు కోసం మార్కెట్ విలువ తెలుసుకోవడం లాంటి సేవలు అందుబాటులో ఉన్నాయి. పట్టాదారు పాసుపుస్తకం లేదా సర్వే నంబర్ల వివరాల ఆధారంగా వ్యవసాయ ఆస్తులకు సంబంధించిన వివరాలు తెలుసుకోవచ్చు. ఆస్తిపన్నుసంఖ్య లేదా ఇంటి నంబర్ ఆధారంగా వ్యవసాయేతర ఆస్తుల సమాచారం, వివరాలను తెలుసుకోవచ్చు. పోర్టల్ ప్రారంభం కానందున కేవలం పాక్షికంగా మాత్రమే అందుబాటులో ఉంది.