హైదరాబాద్ పంజాగుట్ట పీఎస్ పరిధిలో జరిగిన రాంప్రసాద్ హత్య కేసులో పోలీసులు పురోగతి సాధించారు. ప్రధాన సూత్రధారిగా భావిస్తున్న కోగంటి సత్యంను టాస్క్ ఫోర్స్ పోలీసులు అరెస్టు చేశారు. ఈ హత్యకు తనకు ఎలాంటి సంబంధం లేదని సత్యం చెబుతున్నాడు. అయితే వ్యాపారంలో ఇద్దరి మధ్య తీవ్ర విభేదాలు నెలకొన్నట్లు పోలీసులు గుర్తించారు. ఓ పోలీస్ అధికారి సాయంతో రాంప్రసాద్ తనను వేధించినందుకే హత్యకు కుట్ర పన్నినట్లు సమాచారం. కిరాయి ముఠాలకు సుఫారీ ఇచ్చి హత్య చేయించినట్లుగా పోలీసులు భావిస్తున్నారు.
ఆర్థికంగా ఇబ్బందులు, వేదింపులు@హత్య
హత్య చేసిన శ్యామ్, రమేశ్, చోటు అనే ముగ్గురు వ్యక్తులను పోలీసులు అదుపులోకి తీసుకున్నారు. ఆర్థికంగా ఇబ్బందులకు గురిచేయడం, వేధింపులకు పాల్పడటం వల్లే రాంప్రసాద్ ను హత్య చేశామని శ్యామ్ అనే నిందితుడు కొన్ని మీడియా సంస్థల వద్ద వెల్లడించారు. ఇందులో సత్యం హస్తం లేదని తెలపడాన్ని పోలీసులు పరిశీలిస్తున్నారు. రాంప్రసాద్ హత్యకు రెండు నెలలుగా రెక్కీ నిర్వహిస్తున్నట్లు పోలీసుల దర్యాప్తులో తేలింది.