రెండో రోజు రాజ్భవన్లో ఘనంగా బతుకమ్మ సంబురాలు
రాజ్భవన్లో రెండోరోజు ముద్దపప్పు బతుకమ్మ సంబురాలు ఘనంగా సాగాయి. మహిళా జర్నలిస్టులు, లాయర్లతో కలిసి గవర్నర్ తమిళిసై సౌందర రాజన్ బతుకమ్మ పాటలకు లయబద్దంగా చప్పట్ల నివేదన చేశారు. ఈ వేడుకల్లో తమిళిసై కుటుంబ సమేతంగా పాల్గొనటం విశేషం. మహిళలను సత్కరించే ఓ గొప్ప పండుగ బతుకమ్మ అని గవర్నర్ పేర్కొన్నారు. పూల సంబురంగా సాగే ఈ వేడుకలో ఆరోగ్య సూత్రాలు దాగి ఉన్నాయని తమిళిసై సౌందరరాజన్ అభిప్రాయపడ్డారు.