నగరంలో ఉక్కపోత నుంచి ఉపశమనానిచ్చిన వర్షం

నగరంలోని చిలకలగూడ, సీతాఫల్ ​మండి, సంగీత్, ప్యారడైజ్, బంజారాహిల్స్ ప్రాంతాల్లో వర్షం కురిసింది. ఉదయం నుంచి ఉక్కపోతతో అలమటించిన నగరవాసులకు కొంత ఉపశమనాన్ని కలిగించింది.

సికింద్రాబాద్ చిలకలగూడ, సీతాఫల్​మండి, సంగీత్, ప్యారడైజ్, బంజారా హిల్స్ ప్రాంతాల్లో వర్షం కురిసింది. వర్షంతో రోడ్లపై నీళ్లు అక్కడికక్కడే నిలిచిపోయాయి. కొద్దిసేపు వాహనాలతో ట్రాఫిక్ అంతరాయం ఏర్పడింది. వర్షం ఎండా ఒకేసారి రావడంతో సికింద్రాబాద్​లో ఇంద్రధనస్సు చూపరులను ఆకట్టుకుంది. బంజారాహిల్స్ రోడ్ నెంబర్-3లో ఒకవైపు ఎండ మరోవైపు వర్షం పడటం వల్ల ప్రయాణికులు, పాదచారులు ఇబ్బందిపడ్డారు.

ఇదీ చూడండి :'కేంద్రం నిధులివ్వకపోయినా... రాష్ట్రంలో అభివృద్ధి ఆగలేదు'