Rains in telangana: రాబోయే మూడురోజులు ఓ మోస్తరు వర్షాలు

rains in telangana: తెలంగాణలో రాగల మూడు రోజుల పాటు తేలికపాటి నుంచి మోస్తరు వర్షాలు కురిసే అవకాశముందని హైదరాబాద్‌ వాతావరణ కేంద్రం ప్రకటించింది. నిన్నటి తీవ్ర అల్పపీడనం, కోస్తాంధ్ర తీరం మీదుగా ఒడిశా వరకు ఉన్న ఉపరితల ద్రోణి ఈరోజు బలహీనపడినట్లు వాతావరణ శాఖ సంచాలకులు నాగరత్నం తెలిపారు. హైదరాబాద్‌లో పలు ప్రాంతాల్లో ఓ మోస్తరు వర్షం కురిసింది. రహదారులపైకి నీరు పొంగిపొర్లింది. దీంతో వాహనదారులు ఇబ్బందులు పడ్డారు.

తెలంగాణలో రాగల మూడు రోజుల పాటు తేలికపాటి నుంచి మోస్తరు వర్షాలు(telangana rains) కురిసే అవకాశం ఉందని హైదరాబాద్‌ వాతావరణ కేంద్రం ప్రకటించింది. నిన్నటి తీవ్ర అల్పపీడనం కోస్తాంధ్రా తీరం మీదుగా ఇంటీరియర్‌ ఒడిశా వరకు ఉన్న ఉపరితల ద్రోణి కూడా ఈ రోజు బలహీనపడినట్లు వాతావరణ శాఖ సంచాలకురాలు డాక్టర్‌.నాగరత్న తెలిపారు. ఈ రోజు రాష్ట్రంలో కిందిస్థాయి గాలులు తూర్పు, ఆగ్నేయ దిక్కుల నుంచి వీస్తున్నట్లు వెల్లడించారు.

నగరంలో పలు ప్రాంతాల్లో వర్షం

హైదరాబాద్(rains in hyderabad) నగరంలోని పలు ప్రాంతాల్లో ఉదయం నుంచి ఓ మోస్తరు వర్షం కురిసింది. పలుచోట్ల కురిసిన వర్షానికి వివిధ పనులపై బయటకు వెళ్లిన నగరవాసులు తడిసి ముద్దయ్యారు. నగరంలోని అసెంబ్లీ, బషీర్ బాగ్ , బేగంబజార్, కోఠి, సుల్తాన్​ బజార్, అబిడ్స్​, నాంపల్లి, హిమాయత్​నగర్​, నారాయణ గూడ, లిబర్టీ తదితర ప్రాంతాల్లో ఉదయం నుంచి ఎడతెరిపి లేకుండా వర్షం ముంచెత్తింది. రహదారులపైకి నీరు రావడంతో వాహనదారులు, పాదచారులు తీవ్ర ఇబ్బందులు పడ్డారు.

ఇదీ చూడండి: