వలస కార్మికులను ఆదుకున్న రైల్వే ఎంప్లాయిస్ సంఘ్

కరోనా వైరస్​ను నివారించడానికి రాష్ట్ర ప్రభుత్వం విధించిన లాక్​డౌన్​తో వలస కార్మికుల పరిస్థితి దుర్భరంగా మారింది. వారి ఆకలి బాధను తీర్చడానికి సికింద్రాబాద్ రైల్వే​ ఎంప్లాయిస్​ సంఘ్ ముందుకొచ్చింది.

రైల్వే పార్సెల్ కౌంటర్​లో పనిచేస్తున్న వలస కార్మికులను ఆదుకునేందుకు రైల్వే ఎంప్లాయిస్ సంఘ్​ ముందుకొచ్చింది. దాదాపు వందమంది వలస కార్మికులకు సంఘ్ సభ్యులు నిత్యావసర సరుకులను పంపిణీ చేశారు.

ప్రస్తుతం పది రోజులకు సరిపడా సరుకులను కార్మికులకు అందజేసినట్లు స్టేషన్ డైరెక్టర్ జయరాం తెలిపారు. ఒకవేళ లాక్​డౌన్​ గడువు పొడిగిస్తే వారిని ఆదుకునేందుకు సిద్ధంగా ఉన్నామని వెల్లడించారు.

ఇతర రాష్ట్రాల నుంచి వచ్చిన కార్మికులు లాక్​డౌన్​ వల్ల తీవ్ర ఇబ్బందులు పడుతున్నారని, అందుకే వారికి తమవంతు సాయం చేస్తున్నామన్నారు.