నేడు రాహుల్‌ గాంధీ జన్మదినం.. కార్యకర్తలకు ప్రత్యేక సూచనలు

నేడు ఏఐసీసీ మాజీ అధ్యక్షుడు, ఎంపీ రాహుల్‌ గాంధీ జన్మదినోత్సవం సందర్భంగా పలు సేవా కార్యక్రమాలు జరపాలని నిర్ణయించారు. ఈ మేరకు పార్టీ నేతలు, కార్యకర్తలు, శ్రేణులు తమ ప్రాంతాల్లో సేవా కార్యకమాలు నిర్వహించాలని పీసీసీ అధ్యక్షుడు ఉత్తమ్‌కుమార్‌ రెడ్డి సూచించారు.

ఏఐసీసీ మాజీ అధ్యక్షుడు, ఎంపీ రాహుల్‌ గాంధీ జన్మదిన వేడుకల సందర్భంగా విస్తారంగా సేవా కార్యక్రమాలు నిర్వహించాలని పీసీసీ అధ్యక్షుడు ఉత్తమ్‌కుమార్‌ రెడ్డి పార్టీ నేతలు, కార్యకర్తలు,శ్రేణులకు సూచించారు.

కొవిడ్‌ విధులు నిర్వహిస్తున్న వైద్యులు, పారిశుధ్య కార్మికులు, తదితరులను ఈ సందర్భంగా సన్మానించాలని కోరారు. ఎవరూ హంగూ, ఆర్భాటానికి వెళ్లకూడదని, ఏఐసీసీ ఆదేశాలను ప్రతి ఒక్కరూ పాటించాలని స్పష్టం చేశారు. ఎమ్మెల్యేలు, ఎంపీలతోపాటు ఇటీవల ఎన్నికల్లో పోటీ చేసిన ఎమ్మెల్యే, ఎంపీ అభ్యర్థులు, డీసీసీ అధ్యక్షులు తదితరులు తప్పకుండా ఈ కార్యక్రమంలో పాల్గొని విజయవంతం చేయాలన్నారు. కొవిడ్‌ నియమనిబంధనలకు లోబడే ఈ కార్యక్రమాలు నిర్వహించాలని ఆయన స్పష్టం చేశారు.

ఇదీ చూడండి :కరోనా కాలాన.. వృద్ధులకు 'ఆలన'!