రేపు గణేష్ నిమజ్జనానికి ఐదు వేల పోలీసు సిబ్బంది
హైదరాబాద్లోని గణపతి నిమజ్జనానికి సంబంధించి అన్ని ఏర్పాట్లు పూర్తి చేశామని రాచకొండ కమిషనర్ మహేష్ భగవత్ పేర్కొన్నారు. 25 చెరువుల్లో నిమజ్జనానికి ఏర్పాట్లు చేశామన్నారు. రాచకొండ కమిషనరేట్ పరిధిలో ఇప్పటి వరకు 11,900 విగ్రహాలకు జీయో ట్యాగింగ్ చేశామని వివరించారు. సీసీ కెమెరాల ద్వారా నిరంతర పర్యవేక్షణ, కంట్రోల్ రూమ్కు అనుసంధానమై ఎప్పటికప్పుడు సిబ్బంది పరిశీలిస్తారని అన్నారు. వివిధ జిల్లాల నుంచి వచ్చిన సిబ్బందితో పాటు 5,060 మంది పోలీసులతో భద్రత ఏర్పాట్లు చేశామని చెప్పారు. ప్రజలు అసత్య వార్తలు నమ్మొద్దని తెలిపారు.