తెరాస సర్కారు టీఎస్పీఎస్సీని పూర్తిగా నిర్వీర్యం చేసిందని.. బీసీ సంక్షేమ సంఘం జాతీయ అధ్యక్షుడు ఆర్.కృష్ణయ్య మండిపడ్డారు. వివిధ ప్రభుత్వ శాఖల్లో ఖాళీగా ఉన్న పోస్టులను భర్తీ చేయాలని డిమాండ్ చేస్తూ... హైదరాబాద్లోని కమిషన్ కార్యాలయం ముందు నిరుద్యోగ ఐకాస ఆందోళన చేపట్టింది.
'ఖాళీగా ఉన్న 2 లక్షల 50 వేల ఉద్యోగాలు భర్తీ చేయాలి'
రాష్ట్రంలో ఖాళీగా ఉన్న పోస్టులను భర్తీ చేయాలంటూ నిరుద్యోగ ఐకాస ఆధ్వర్యంలో హైదరాబాద్లోని టీఎస్‌పీఎస్సీ కార్యాలయం ముందు ధర్నా నిర్వహించారు. టీఎస్పీఎస్సీని తెరాస సర్కారు పూర్తిగా నిర్వీర్యం చేసిందని ఆర్.కృష్ణయ్య ఆవేదన వ్యక్తం చేశారు. వివిధ శాఖల్లో ఖాళీగా ఉన్న 2 లక్షల 50 వేల పోస్టులను భర్తీ చేయాలని కోరారు.
'ఖాళీగా ఉన్న 2 లక్షల 50 వేల ఉద్యోగాలు భర్తీ చేయాలి'
ఖాళీగా ఉన్న 2 లక్షల 50 వేల ఉద్యోగాలను భర్తీ చేయాలని ఆర్.కృష్ణయ్య డిమాండ్ చేశారు. ఎన్నికల్లో వాగ్దానం చేసినట్లుగా.. మూడు వేల రూపాయల నిరుద్యోగ భృతి ఇవ్వాలని కోరారు. వివిధ శాఖల్లో రిటైర్డ్ అయిన నాలుగు వేల మంది ఉద్యోగుల సర్వీస్ను కొనసాగిస్తున్నారని... వారిని వెంటనే తొలగించి వారి స్థానంలో అర్హులైన ఉద్యోగులను నియమించాలన్నారు. లేదంటే నిరుద్యోగులతో రాష్ట్ర వ్యాప్తంగా ఉద్యమాలు చేపడతామని ఆర్.కృష్ణయ్య హెచ్చరించారు.
ఇదీ చూడండి :నాలెడ్జ్ అప్గ్రేడ్తో ఉద్యోగ భద్రత: జయేశ్ రంజన్