పూల్వామా అమరవీరులకు నివాళి

గతేడాది ఫిబ్రవరి 14న పుల్వామాలో ఆర్మీ జవాన్లపై జరిగిన దాడి ఘటన ఎంతో బాధాకరమని విశ్వహిందూ పరిషత్ రాష్ట్ర ప్రధాన కార్యదర్శి బండారి రమేష్ అన్నారు. సికింద్రాబాద్ పరేడ్ గ్రౌండ్​లో ఆ దాడిలో అమరులైన జవాన్లకు నివాళులర్పించారు.

పుల్వామాలో అమరులైన జవాన్లకు విశ్వ హిందూపరిషత్, భజరంగ్ దళ్ కార్యకర్తలు నివాళులర్పించారు. సికింద్రాబాద్ పరేడ్ గ్రౌండ్​లో అమరవీరుల స్తూపం వద్ద వారి చిత్రపటానికి పూలమాలలు వేసి కొవ్వొత్తులు వెలిగించారు. విశ్రాంతి సమయంలో ఉన్న భారత జవాన్లపై పాక్​ దాడి చేయడం పిరికిపంద చర్యేనని వీహెచ్​పీ రాష్ట్ర ప్రధాన కార్యదర్శి రమేష్ అన్నారు.

ఆ చర్యకు ప్రతిచర్యగా భారత్ వారి స్థావరాలను కూల్చేసి ప్రతీకారం తీర్చుకుందన్నారు. మళ్లీ అలాంటి ఘటన చోటుచేసుకునే పరిస్థితి లేదన్నారు.

ఇదీ చూడండి :రోడ్డు భద్రత గాలికి... ప్రాణాలు గాల్లోకి!