'ఆయన ఆశయసాధనకు కేసీఆర్ అహర్నిశలు శ్రమిస్తున్నారు'

సిద్ధాంతకర్త జయశంకర్ ఆశయ సాధనకు ముఖ్యమంత్రి కేసీఆర్ అహర్నిశలు శ్రమిస్తున్నారని ఎమ్మెల్యే ముఠా గోపాల్ అన్నారు. ముషీరాబాద్ నియోజకవర్గంలో జయశంకర్ సర్​​ జయంతి వేడుకలను తెరాస శ్రేణులు ఘనంగా నిర్వహించారు.

నాలుగుకోట్ల మందిలో తెలంగాణ ఉద్యమ చైతన్యం రగిలించిన సిద్ధాంత కర్త, స్ఫూర్తి ప్రదాత ఆచార్య కొత్తపల్లి జయశంకర్ జయంతి వేడుకలను హైదరాబాద్​లోని ముషీరాబాద్ నియోజకవర్గంలో ఘనంగా నిర్వహించారు.

ఎమ్మెల్యే ముఠా గోపాల్, జీహెచ్ఎంసీ స్టాండింగ్ కమిటీ మెంబరు, స్థానిక కార్పొరేటర్ ముఠా పద్మ నరేష్ ... గాంధీనగర్​లోని ఆయన విగ్రహానికి పూలమాలలు వేసి నివాళులు అర్పించారు. ఈ సందర్భంగా తొలి, మలిదశ ఉద్యమాల్లో ఆయన సేవలను స్మరించుకున్నారు.

తెలంగాణ భావజాల వ్యాప్తికోసం తన జీవితాన్ని అంకితం చేసిన మహనీయుడు జయశంకర్ అని పలువురు కొనియాడారు. ఈ కార్యక్రమంలో తెరాస నాయకులు, కార్యకర్తలు, తదితరులు పాల్గొన్నారు.

ఇవీచూడండి:పిల్లలపై మానసిక, శారీరక ప్రభావం ఉంటుంది: హైకోర్టు