'పోలీసులు అందిస్తోన్న సేవలపై మంచి చిత్రాన్ని తీస్తా..'

కరోనా కాలంలో నిరంతరం శ్రమిస్తున్న పోలీసులపై ఓ మంచి చిత్రాన్ని నిర్మిస్తానని నిర్మాత దిల్​రాజు తెలిపారు. హైదరాబాద్​ మెహిదీపట్నంలో విధులు నిర్వహిస్తున్న పోలీసులకు శానిటైజర్లు, మాస్కులు పంపిణీ చేశారు.

పోలీసులు చేస్తోన్న సేవ ఎంతో గొప్పదని సినీ నిర్మాత దిల్​రాజు కొనియాడారు. హైదరాబాద్​ మెహిదీపట్నంలోని రైతుబజార్ చెక్​పోస్టులో విధులు నిర్వహిస్తున్న పోలీసులకు శానిటైజర్లు, మాస్కులు పంపిణీ చేశారు. ఎన్నో సినిమాలు తీసిన తాను.. కరోనా కష్టకాలంలో నిరంతరం కృషి చేస్తున్న పోలీసులపై ఓ మంచి చిత్రాన్ని తీస్తానని తెలిపారు. ప్రజలంతా పోలీసులకు సహకరించి కరోనాను తరిమికొట్టాలని సూచించారు.

ఇదీ చూడండి: సడలింపులపై రాష్ట్ర ప్రభుత్వం విముఖత!