'ప్రైవేటు ఆస్పత్రుల్లో కరోనా పరీక్షలకు అనుమతివ్వాలి'

కరోనా పరీక్షలు చేసేందుకు అనుమతి ఇవ్వాలని ప్రేవేటు ఆస్పత్రులు అసోసియేషన్​ సభ్యులు మంత్రి ఈటలను కోరారు. ఈ మేరకు హైదరాబాద్​ బీఆర్కే భవన్​లో వినతి పత్రాన్ని అందజేశారు. రోగులకు ఎలాంటి చికిత్స ఇవ్వాలన్నా ముందుగా కొవిడ్​ పరీక్షలు చేయాల్సిన పరిస్థితి ఏర్పడిందని పేర్కొన్నారు. ప్రభుత్వ వైద్యులకిచ్చినట్టే తమకు 50 లక్షల ఇన్సూరెన్స్​ కల్పించాలని డిమాండ్​ చేశారు.

కరోనా మహమ్మారి ఎలాంటి లక్షణాలు లేకుండా కూడా వ్యాపిస్తున్నందున ప్రైవేటు ఆస్పత్రుల్లో సైతం పరీక్షలు చేసేందుకు అనుమతి ఇవ్వాలని కోరుతూ... ప్రైవేటు ఆస్పత్రుల అసోసియేషన్ సభ్యులు బీఆర్కే భవన్​లో మంత్రి ఈటలను కోరారు. ఈ మేరకు మంత్రికి వినతిపత్రాన్ని అందజేశారు. ఇకపై రోగులకు ఎలాంటి చికిత్స ఇవ్వాలన్నా ముందుగా కరోనా పరీక్షలు చేయాల్సిన పరిస్థితి ఏర్పడిందన్నారు. కాబట్టి ప్రైవేటు ఆస్పత్రుల్లో కరోనాకు సంబంధించి ర్యాపిడ్ టెస్ట్​లు చేసేందుకు అనుమతి ఇవ్వాలని కోరారు.

కొన్ని ప్రైవేటు ఆస్పత్రులను పలు కారణాలతో సీజ్ చేస్తున్నారని ఇది సరికాదని ప్రైవేటు ఆస్పత్రుల ప్రతినిధులు పేర్కొన్నారు. ఇక ఆస్పత్రుల్లో పనిచేసే స్టాఫ్ పీఎఫ్ కట్టాలని కేంద్రం నుంచి నోటీస్​లు వచ్చాయని తెలిపారు. దీనిపై కూడా రాష్ట్ర ప్రభుత్వం చొరవతీసుకుని పీఎఫ్ కట్టకుండా సహాయం చేయాలని కోరారు. ప్రభుత్వ వైద్యులకు ఇచ్చినట్టే తమకు 50 లక్షల ఇన్సూరెన్స్ కల్పించాలని డిమాండ్ చేశారు.

ఇదీ చదవండి:కరోనా మృతుల పక్కనే సాధారణ రోగులకు చికిత్స!