జయశంకర్​ యూనివర్సిటీలో ప్రవేశ పరీక్షలకు రంగం సిద్ధం

ప్రొఫెసర్​ జయశంకర్​ వ్యవసాయ వర్సిటీ వివిధ డిప్లొమా కోర్సుల ప్రవేశ పరీక్షల నిర్వహణకు రంగం సిద్ధమైంది. తెలంగాణలో 2020-21 విద్యా సంవత్సరానికి సంబంధించి పాలిసెట్‌-2020 ప్రవేశ పరీక్ష ద్వారా ప్రవేశాలు కల్పించనున్నారు. స్టేట్ బోర్డ్ ఆఫ్ టెక్నికల్ ఎడ్యుకేషన్, ట్రైనింగ్ ఆధ్వర్యంలో పాలిసెట్-2020 అడ్మిషన్ నోటిఫికేషన్‌ మార్చి 2న విడుదల చేసింది. దీనిలో ప్రభుత్వ ఇంజినీరింగ్, నాన్-ఇంజినీరింగ్ డిప్లొమా కోర్సులతోపాటు ప్రొఫెసర్ జయశంకర్ వ్యవసాయ విశ్వవిద్యాలయం 4 డిప్లొమా కోర్సుల ప్రవేశాలు కూడా పాలిసెట్ మార్గదర్శక సూత్రాల్లో పొందుపరించారు.

ప్రొఫెసర్ జయశంకర్ వ్యవసాయ విశ్వవిద్యాలయం వివిధ డిప్లొమా కోర్సుల ప్రవేశ పరీక్షల నిర్వహణకు రంగం సిద్ధమైంది. రాష్ట్రంలో 2020-21 విద్యా సంవత్సరానికి సంబంధించి పాలిసెట్‌-2020 ప్రవేశ పరీక్ష ద్వారా ప్రవేశాలు కల్పించనున్నారు. ప్రవేశ పరీక్ష ర్యాంకుల ఆధారంగా అడ్మిషన్లు లభిస్తాయి. డిప్లొమా కోర్సుల్లో ప్రవేశం పొందే అభ్యర్థులు పాలిసెట్‌-2020 ప్రవేశ పరీక్షలకు విధిగా హాజరుకావాల్సి ఉంటుంది.

స్టేట్ బోర్డ్ ఆఫ్ టెక్నికల్ ఎడ్యుకేషన్, ట్రైనింగ్ ఆధ్వర్యంలో పాలిసెట్-2020 అడ్మిషన్ నోటిఫికేషన్‌ మార్చి 2న విడుదల చేసింది. దీనిలో ప్రభుత్వ ఇంజినీరింగ్, నాన్-ఇంజినీరింగ్ డిప్లొమా కోర్సులతోపాటు ప్రొఫెసర్ జయశంకర్ వ్యవసాయ విశ్వవిద్యాలయం 4 డిప్లొమా కోర్సుల ప్రవేశాలు కూడా పాలిసెట్ మార్గదర్శక సూత్రాల్లో పొందుపరిచారు. పాలిసెట్-2020 ప్రవేశ పరీక్షలకు దరఖాస్తు చేసుకోవడానికి ఈ నెల 31 ఆఖరు గడువు. వర్సిటీ వివిధ కోర్సుల ప్రవేశం కోసం ప్రత్యేకంగా అడ్మిషన్ నోటిఫికేషన్ విడుదల చేస్తుంది.

అయితే సీట్లు పాలిసెట్ ర్యాంకుల ఆధారంగా కేటాయిస్తామని పీజేటీఎస్‌ఏయూ రిజిస్ట్రార్ డాక్టర్ సుధీర్‌కుమార్ తెలిపారు. పాలిసెట్‌-2020 ప్రవేశ పరీక్ష ఫలితాలు వెల్లడించిన తర్వాత ఆసక్తిగల అభ్యర్థులు విశ్వవిద్యాలయం అడ్మిషన్ నోటిఫికేషన్ ప్రకారం విడిగా దరఖాస్తు చేసుకోవాల్సి ఉంటుంది. వ్యవసాయ విశ్వవిద్యాలయ డిప్లొమా కోర్సుల్లో ప్రవేశానికి అభ్యర్థులు 4 ఏళ్లపాటు గ్రామీణ ప్రాంతంలో చదివి ఉండాలి. పాలిసెట్ ర్యాంకు లేకుంటే విశ్వవిద్యాలయం డిప్లొమా కోర్సుకు దరఖాస్తు చేసుకోవడానికి అర్హత ఉండదు. ఇతర అన్ని వివరాలు, నియమ నిబంధనలు, పాలిసెట్ ఆన్‌లైన్ దరఖాస్తు కోసం వైబ్​సైట్​ www.polycetts.nic.in, www.sbtet.telangana.gov.in లో చూడొచ్చని పేర్కొన్నారు.

ఇవీ చూడండి:పోతిరెడ్డిపాడు నీటి విషయంలో రేపు భాజపా నిరసన