గాంధీ ఆసుపత్రిలో కరోనాతో నిండు గర్భిణి మృతి

కరోనా సోకి ఓ నిండు గర్భిణి గాంధీ ఆసుపత్రిలో చేరింది. ఆమెకు మెరుగైన చికిత్సను అందించాలని గోషామహల్​ ఎమ్మెల్యే సూపరింటెండెంట్​కు విజ్ఞప్తి చేశారు. అయినా ఆమె బుధవారం రాత్రి మరణించగా.. డాక్టర్ల నిర్లక్ష్యం వల్లే ఇలా జరిగిందంటూ కుటుంబసభ్యులు ఆరోపిస్తున్నారు.

హైదరాబాద్​ ధూల్​పేటకు చెందిన ఓ గర్భిణి గాంధీ ఆసుపత్రిలో చికిత్స పొందుతూ బుధవారం రాత్రి మృతి చెందింది. పది రోజుల క్రితం అమ్మాయి తండ్రి మరణించగా.. అంత్యక్రియలకు హాజరైంది. ఆ తర్వాత అక్కడికి వచ్చిన వారికి కరోనా సోకగా.. తండ్రికి కొవిడ్​ ఉన్నట్లు గుర్తించారు. ఈ క్రమంలో గర్భిణీకి వైరస్​ సోకగా చికిత్స కోసం గాంధీలో చేరారు.

కానీ తనకు సరైన చికిత్స అందకే మరణించిందని కుటుంబీకులు ఆరోపిస్తున్నారు. గర్భిణికి చికిత్స అందించాలని గోషామహల్​ ఎమ్మెల్యే ఆసుపత్రి సూపరింటెండెంట్​కు విన్నవించినప్పటికీ పట్టించుకోలేదని ఆవేదన వ్యక్తం చేశారు. దైవంతో సమానంగా భావించే డాక్టర్లే ఇలా ప్రవర్తిస్తే ఎలా అంటూ ఎమ్మెల్యే రాజాసింగ్​ ప్రశ్నించారు. నిండు గర్భణి మృతికి వారి నిర్లక్ష్యమే కారణమా? లేక బాధితుల విజ్ఞప్తిని పట్టించుకోని సూపరింటెండెంట్​దా? ఏదైతేనేమి రెండు నిండు ప్రాణాలు బలైపోయాయి.

ఇదీ చూడండి:'మార్కెట్​లో అమ్ముడుపోయే పంటలే పండించాలి'