'సరైన పోషణతోనే ఆరోగ్య తెలంగాణ'

సరైన పోషణతో ఆరోగ్య తెలంగాణ సాధ్యమని ఎమ్మెల్యే దానం నాగేందర్​ అన్నారు. హైదరాబాద్​ నెక్లెస్​రోడ్​లో జరిగిన జన చైతన్య ర్యాలీలో టెన్నిస్​ క్రీడాకారిణి నైనా జైస్వాల్​తో పాటు పాల్గొన్నారు.

పోషణలోపం ఏ ఊరిలో కనిపించకూడదనే ఉద్దేశంతో ముఖ్యమంత్రి కేసీఆర్​ కేసీఆర్​ కిట్​లు ప్రవేశపెట్టారని ఖైరతాబాద్​ ఎమ్మెల్యే దానం నాగేందర్​ అన్నారు. హైదరాబాద్​ నెక్లెస్​రోడ్​లో జరిగిన జన చైతన్య ర్యాలీకి ముఖ్య అతిథిగా హాజరయ్యారు. మహిళా, శిశు, దివ్యాంగులు, వయోవృద్ధుల సంక్షేమ శాఖ ఆధ్వర్యంలో జరిగిన ఈ ర్యాలీని టెన్నిస్​ క్రీడాకారిణి నైనా జైస్వాల్​తో జెండా ఊపి ప్రారంభించారు. జాతీయ పోషణ మాసం పురస్కరించుకుని ప్రజలకు... సరైన పోషణ, తాగునీరు, పరిశుభ్రతలపై అవగాహన కల్పించేలా కృషి చేయాలని ఎమ్మెల్యే దానం అధికారులకు విజ్ఞప్తి చేశారు.

• ఇదీ చూడండి : గడ్డి అన్నారం పండ్ల మార్కెట్​లో రైతుపై దళారుల దాడి